சேனையூர்
களியோடை செல்லும் வழியெல்லாம்
காவுறு சோலையாய் நீளுறும்
சுழியோடி மீன்கள் பாடிடும்
சேனையூர் அழகைக் காணீரோ
ஆறு வளைந்து ஊரைச் சுற்றி
சேறு நீள செழிப்பின் காட்சி
தேறி விளைந்த கமுகு சொரிய
ஊறிக் கிடக்கும் சேம்பு மலர்கள்
காட்டு ரோஜா பூத்துச் சொரியும்
புன்னை மலர்ந்து புன்னகை செய்ய
கொய்யா வந்து கொடிபோல் நீள
தென்னம் பழமாய் தேங்காய் உதிரும்
அன்னமின்னாவின் அழகில் மயங்கி
சின்ன அணில்கள் வந்து குடைய
சிட்டுக் குருவியும் சேர்ந்தெ தின்னும்
என்ன என்பேன் என்னூர் சேனையூரை
பணிவு வளவுகள் பார்த்திடும் அழகு
அணி அணியாக ஆர்த்திடும் மரங்கள்
விண்ணிடை பாயும் தென்னையின் ஓலை
மண்ணிடை முட்டும் மகிழ் பலாக்கனிகள்
எண்ணிட முடியா எத்தனை அழகு
கண்ணிடை ஓடும் காட்சிகள் கோடி
கொப்பிடை ஊறிய தேனின் சுவையில்
மப்பிடை ஆடும் மந்திகள் பாய்ந்து
